il Pentauro Libera Associazione di Idee

A caval an stronz intergalatic a riarà la fin dal mond

Questo/a opera è pubblicato sotto una Licenza Creative Commons.

A caval an stronz intergalatic a riarà la fin dal mond (o: Giacobbo tà rot i marun ti, gl’ufo, gl’aglien e i to amig templar!)

In tal me camp zinc etar ad furmanton eva piantà
ma smisi na matina: al mais l’è tut par tera crudà.
A survol co n’elicotero al camp e – sa ved mai!
Disegn extraterestar: na piramide in zima e sota du zerč a forma ad furmai…
Interpel Giacobbo, l’om ad Voyager, d’ufo e misteri espert
lu an gà brisa dubi: chi davsin a ghè i umin verd.
Sgonda lu la forma in tal camp un messag in codiz a gliera
par mi, al parea più un caz stilizà dur acme n’asta ad bandiera.
Dop du dì a ved in ziel na straneza c’an sa spiega brisa
un meteorita cavalcà da n’oman con a maia ad ghisa:
Giacobbo l’è sicur da drè a tut a ghè l’Apocaliss e quel li l’è un di cavalier
al vien caval a’n stronz intergalatic chi gà imprastà gl’alien!
La fin dal mond l’è davsina, l’è ormai ora dal Sabba
par un pat ad dumila an fa tra alien, templar, sacar Gral e Barabba.
L’ipotesi l’è avalurada dal mostar ad Lochness che tut al dì al scurezza
e i fantasma chi zoga a la cut pin ad cuntanteza.
Giacobbo as fa al segn dla cros
po al prega Satana, Budda e parfin Mario Bros,
as vistiss da Indù, da Inca, da Maia e da Egizian
as met al col ad Vanna Marchi tuti i talisman.
Intant in tal ziel al cavalier l’è pront co na bela epidemia
sgonda Giacobbo a carpen tuti par na bruta pandemia.
Sgonda i so calcul gl’alien iè pront par invadars e iè stà avisà
la fin l’è prosima anc sgonda Paolo Fox, Solange e Telma l’iluminà.
Giacobbo l’è sempar più cuntent e eccità
crepa al mond e a vinz al misteri, gl’alien e mil altar cazad che incora an sa brisa spiegà.
Lu l’è protett e al sa acme parlar e cussa far
adio raza umana - da adman vanza sol lu, gl’ufo, Ruggeri e i templar.
Mo mentar stal cuion as crogiole e as bagna al pensier dla so elit universal
al cavalier dl’Apocalisse cavala al stronz al fa n’eror micidial:
qualcdun forse al gà dit mal il coordinad dla rota par la so gnuda
parchè in t’un mument al spariss mentar cal pasa ad ciora al Triangul dil Bermuda…
Giacobbo delus da la cazada dla curdada dal misteri taca a zigar stomag e budela
mi, invezi, par la cuntanteza a Etì ag fag l’esoteric gest dl’umbrela…